E ardhmja e sulmuesit spanjoll, Alvaro Morata, është larg Çelsit, kjo është e qartë. Tani pritet të mësohet zyrtarisht se ku do të kalojë ai, në Spanjë apo Itali. Për momentin, shanset më të mëdha i ka Atletiko Madrid, që sipas “As”, e ka prioritet sulmuesin. Kanë dështuar bisedimet me Seviljen, pasi klubi andaluzian nuk e përballonte koston e lartë, ndaj dhe Morata duket më pranë “colchoneros”.
Ai e ka ndarë mendjen për t’u larguar nga Londra dhe e ka bërë të qartë se është i gatshëm të ulë edhe rrogën prej nëntë milionë eurosh në sezon për të arritur akordin me ekipin e ri. Kjo do të thotë se Milani nuk ka më shpresa për sulmuesin spanjoll.
Shfaq Komentet (0)