Instituti i Shëndetit Publik jep informacion lidhur me situatën e fruthit në vend.
Bëhet me dije se nga rastet e konfirmuara në laboratorin e këtij institucioni, pjesa më e madhe e rasteve i përkasin grupmoshës nën 2 vjeç.
ISHP i bën thirrje të gjithë prindërve të vaksinojnë fëmijët e tyre, sipas Kalendarit Bazë të Vaksinimit, duke nënvizuar është mbrojtja më e mirë për parandaluar fruthin si dhe për të ulur komplikacionet që vijnë prej tij.
Deklarohet se për shkak se kjo periudhë e vitit sjell rritjen e rasteve të infeksioneve respiratore dhe gripit, bëhet akoma më e rëndësishëm vaksinimi i fëmijëve për të parandaluar përhapjen e fruthit
Masat e ndërmarra nga ISHP për mbrojtjen nga epidemia e Fruthit:
-Izolimi në pavione të caktuara (në pediatri dhe tek të rriturit) dhe vetëizolimi për rastet ambulatore.
-Masa standarde të kontrollit të infeksionit dhe të transmetitmit ajror.
-Përdorim i maskave nga personeli dhe pacientët kur shkojnë në ekzaminime.
-Vaksinim i personelit.
-Monitorim i gjendjes mbrojtëse të personelit ndaj Fruthit.
-Vaksinim brenda 72 orëve i kontakteve.
-Vendosja e survejancës aktive në nivel kombëtar.
-Trajnime me pjesëmarrjen e mjekëve të institucioneve parashkollore dhe shkollore si dhe mjekëve të familjes.
Organizata Botërore e Shëndetësisë rekomandon vaksinimin e të gjithë fëmijëve si dhe të rriturve që janë në rrezik për t’u infektuar, për të cilët kryerja e vaksinës së fruthit nuk është e kundërindikuar.
Kjo pasi fruthi mund të çojë në pneumoni, dëmtim të trurit, shurdhësi dhe vdekje.