Fondi Monetar Ndërkombëtar paralajmëroi se përshkallëzimi i tensioneve tregtare mund të dëmtojë rritjen ekonomike globale.
Në një raport të ri për parashikimin ekonomik botëror, FMN-ja gjithashtu paralajmëroi për rreziqet që mund të shkaktojë dalja e Britanisë së Madhe nga Bashkimi Evropian pa marrëveshje.
Për ekonominë botërore, FMN-ja parashikon tani rritje prej 3.5 përqind në vitin 2019. Në tetor, parashikimi ka qenë për 3.7 përqind.
Sipas FMN-së, në këtë rënie kanë kontribuar tarifat tregtare që SHBA-ja dhe Kina ia kanë vënë njëra-tjetrës mbi mallrat e importuara.
“Prioritet kryesor është që vendet t’i zgjidhin bashkërisht dhe shpejt mosmarrëveshjet e tyre tregtare dhe jo të ngrenë më tej barriera të dëmshme dhe të destabilizojnë një ekonomi globale tashmë të ngadalësuar”, tha FMN-ja.
Në këtë raport të ri, ka rishikime për ekonomitë e zhvilluara, veçanërisht për eurozonën. Ajo reflekton ndërprerjet e industrisë motorike në Gjermani nga standardet e reja të emetimit të karburantit.
Gjithashtu paraqet me shqetësim situatën në Itali, ku tregjet financiare janë të papërcaktuara në planet e qeverisë për të zgjeruar shpenzimet. Edhe sistemi bankar i vendit është dobësuar.