Në moshën 63-vjeçare ka ndërruar jetë Skender Sahiti, një prej portierëve dhe hendbollistëve më të mirë që ka pasur Kosova.
Sahiti karrierën e kishte filluar te klubi Borac nga Ferizaj, duke mbrojtur ngjyrat e këtij ekipi në Ligën e Parë të ish-Jugosllavisë.
Me këtë skuadër ai kishte luajtur edhe në finalen e Kupës së Jugosllavisë më 1979 dhe ka vazhduar aventurën e tij si hendbollist në klube të ndryshme nga Jugosllavia.
Sahiti ka përfunduar karrierën në ligën elitare të Italisë ku punoi si trajner i klubeve të meshkujve dhe të femrave për t’u rikthyer pas luftës në Kosovë, ku ka ushtruar profesionin e trajnerit te skuadra e Kastriotit.
Shfaq Komentet (0)