Bernardo Silva, lojtari i Mançester Sitit, është në orbitën e Realit, për të zëvendësuar Luka Modriç. Florentino Perez është i gatshëm të derdhë në arkat e klubit anglez plot 70 milionë sterlina për ta marrë portugezin në Madrid. Luka Modriç duket se nuk ka më stimuj të vazhdojë tek Reali, pasi karriera e tij është drejt viteve të fundit. Një aventurë e re do ta sjellë kroatin në formën e duhur duke e motivuar disi më shumë.
Për të flitet se Interi dhe Juventusi janë të interesuara. Sipas asaj që raporton “Daily Star”, te Reali kanë gjetur zëvendësuesin, i cili është portugezi Bernanrdo Silva, që po luan sezonin e tij të dytë tek Siti. Gjithmonë lëvizjet do të nisin në fund të këtij sezoni, pasi Guardiola vështirë të heqë dorë nga portugezi këto momente.