Kartmonedha me prererjen më me vlerë sa i përket monedhës së përbashkët europiane, do ta dalë gradualisht nga qarkullimi.
Bëhet fjalë për kartmonedhën 500 euroshe, e cila do të tërhiqet nga qarkullimi.
Por sigurisht, kjo do të bëhet gradualisht dhe me tranzicion, në mënyrë që të mos ketë probleme në treg.
”Kjo cilkësohet si e vështirë për ta pranuar, vendimin e Bankës Qendrore Europiane për të ndërprerë emetimin e kartëmonedhave 500 euro nga 17 të 19 Bankave Qendrore Kombëtare. Vetëm bankat e Gjermanisë dhe të Austrisë do të vijojnë deri më 26 prill për të garantuar një periudhë të lehtë tranzicioni”, thekson Banka Qëndrore Europiane.
Nëse ju mbetet ndonjë kartëmonedhë nën dyshek, nuk ka arsye për panik. Prerjet 500 euroshe do të dorëzohen në Bankat Qendrore dhe do të zëvendësohen me prerje më të vogla.
