Presidenti i Greqisë Prokopis Pavlopoulos ka paralajmëruar edhe një herë tjetër Shqipërinë se nëse nuk respekton të drejtat e minoritetit grek rrezikon seriozisht të mos anëtarësohet në Bashkimin Evropian.
Këto deklarata Pavlopoulos i bëri pas takimit që pati me Presidenten kroate Kolinda Grabar-Kitarovic.
“Ne mbështesim perspektivën evropiane. Por është e qartë edhe kërkesa për të respektuar të drejtën ndërkombëtare dhe evropiane për të drejtat themelore të njeriut. Sjellje të tilla si ato kundër pakicës greke që cënojnë të drejtën e pronës, përbëjnë një pengesë të pakapërcyeshme në kursin evropian të Shqipërisë” tha ai
Deklarata të tilla janë në vazhdën e qëndrimeve që zyrtarë të shtetit grek mbajnë vazhdimisht, duke kërkuar respektimin e të drejtave të minoritet grek në vendin tonë.
