Lulzim Basha, kreu i PD-së nga Vlora ku edhe po zhvillon një takim me qytetarët u ka bërë thirrje që t’i bashkohen protestës së 16 shkurtit në Tiranë.
I shoqëruar nga deputeti i PD, për Vlorën, Agron Shehaj, Basha gjatë takimit kryesisht me biznese ka prezantuar programin e tij ekonomik.
‘T’a heqim ekonominë nga duart e oligarkëve. T’i japim fund ekonomisë monopoliste që i japin mundësi vetëm 4-5 njerëzve. Në radhë të dytë mbështetja për biznesmenët e vegjël. Biznesi nën 140 mijë lekë të vjetra të nxirret nga skema e TVSH. Nëse jemi të bashkuar, punët shkojnë mirë. Jam shumë i nderuar nga pritja e qytetarëve. Zëri i biznesit duhet të dëgjohet. PD nuk ka ftuar vetëm burrat dhe djemtë por dhe gratë e vajzat”, – tha Basha.
Ai theksoi se në Evropë nuk shkohet me gënjeshtra, por me punë.