Vendimi i Gjykatës së Apelit të Krimeve të Rënda për Dritan Dajtin, i cili vrau 4 policë dhe u dënua me 25 vite burg si rezultat i gjykimit të shkurtuar, ka sjellë reagimin e presidentit të Shqipërisë, Ilir Meta.
Presidenti u shpreh se është KLGJ-ja dhe prokuroria duhet vihen në lëvizje për të verifikuar dhe hetuar çështjen.
Zoti President a keni një koment për vendimin e Gjykatës së Apelit që e zhbënë vendimin me burgim të përjetshëm për Dritan Dajtin dhe e dënon atë me 25 vite burg?
Mbështes fuqimisht reagimin dhe thirrjen e ambasadorit të Bashkimit Europian, zoti Soreca, që KLGJ-ja dhe Prokuroria e Përgjithshme të vihen në lëvizje për të vlerësuar dhe për të verifikuar dhe hetuar çështjen në fjalë.
Mazhoranca ka rrëzuar dy kandidaturat e Presidentit të Republikës për kryetarin e Kontrollit të Lartë të Shtetit. Është përfolur se Anastas Angjeli mund të jetë në këtë post. A do të jetë ai kandidatura e tretë e Juaja?
Unë jam i bindur që të gjitha zgjidhjet dhe propozimet e Presidentit të republikës synojnë forcimin e institucioneve të pavarura, dhe gjithmonë këtë gjë do të synojnë. Synojnë forcimin e sundimit të ligjit në vend dhe jo të sundimit të shumicave.
