Janë disa gjëra apo ndjenja që nuk mund të shpjegohen me fjalë. Ndërkaq, vetëm me një postim këngëtarja e njohur shqiptare, Marsela Çibukaj ka konfirmuar se është e dashuruar me këngëtarin Vitmar Basha. Përmes disa fotove të shkëputura nga koncerti i Vitmarit, i cili prezantoi albumin kushtuar Marselës, këngëtarja ka konfirmuar romancën. “Ka gjëra që nuk mund të shpjegohen me fjalë, veçanërisht dashuria”, shkruan Marsela.
Në fillim të shkurtit, këngëtari i njohur Vitmar Basha rrëfeu për herë të parë se është në një lidhje me Marsela Çibukajn. Në një intervistë për emisionin “Lart e poshtë” ndër të tjera ai pranoi se motivi i tij për albumin e ri është pikërisht ajo. Vitmari theksoi se Çibukaj ka qenë shtysa kryesore e gjithçkaje dhe e ka quajtur këngëtaren muzë të tij. Një dashuri e lindur duke ndarë të njëjtin pasion.