Pas zbutjes së dënimit të Dritan Dajtit në Apelin e Krimeve të Rënda, forcat e policisë kanë kryer kontrolle blic mëngjesin e sotëm nga në pesë banesat e tre gjyqtarëve. Pas kontrollit forcat blu kanë shoqëruar gjyqtarin Skënder Damini, pasi në shtëpinë e tij janë gjetur municione ushtarake. Policia ka kontrolluar shtëpitë e gjyqtarit në Tiranë, si edhe në Vlorë, pranë “Ujit të Ftohtë”.Çështja është gjykuar nga gjyqtarë, të cilët vinin nga Apelet e Rretheve.
Dy gjyqtarët e Shkodrës, Fuat Vjerdha dhe Lindita Hoxha, kanë votuar pjesërisht kundër vendimit për gjykimin e shkurtuar. Ndërsa tre gjyqtarët e tjerë, Skënder Damiani, Petrit Aliaj dhe Aleks Nikolla, kanë pranuar gjykimin e shkurtuar duke bërë që Dritan Dajti t’i shpëtojë dënimit me burg të përjetshëm. Gjykata e Apelit për Krime të Rënda pranoi gjykimin e shkurtuar, për Dajtin, i cili ishte dënuar me burg përjetë duke e dënuar me 25 vite burg për vrasjen e 4 policëve në gusht të vitit 2009.
