Këngëtarja e njohur Lady Gaga është ndarë nga i fejuari i saj, Christian Carino. Ndonëse aludohej prej kohësh ndarja e këngëtares nga agjenti i talenteve, ajo e ka konfirmuar së fundmi për “People”
Sipas burimeve afër saj mësohet se arsyeja e ndarjes së çiftit kanë qenë mosmarrëveshjet mes tyre.
Dyshimet e para për këtë ndarje kanë ardhur pasi Gaga prej kohësh nuk e mban me unazën gjigande të fejesës.
Gjithashtu edhe në evente të ndryshme ku ka marrë pjesë këngëtarja, i fejuari i saj nuk ka qenë i pranishëm.
Më 10 shkurt, pasi tërhoqi çmimin Grammy për këngën “Shallow”, këngëtarja nuk e përmendi të fejuarin në fjalimin.
Carino dhe Gaga kanë nisur të frekuentohen në shkurt të vitit 2017. Më pas, në nëntor të 2017-ës, zhurmat për fejesën e tyre nisën pasi Lady Gaga u shfaq në evente me një unazë të madhe diamante.