Janë zgjatur me tre muaj afatet e hetimit për ish-drejtorin e policisë së Vlorës, Jaeld Çela nga Prokuroria e Krimeve të Rënda. Kjo pasi Gjykata për Krime të Rënda rrëzoi kërkesën e Jaeld Çelës, i cili kundërshtonte zgjatjen e afateve hetimore.
Afati mbyllej sot, ndërsa kujtojmë se disa ditë më parë Gjykata rrëzoi kërkesën e tij, për mbyllje të hetimeve.
Ish-drejtori i policisë së Vlorës ankimoi zgjatjen e fundit të Prokurorisë, afat i cili përfundon më 18 shkurt.
Ai është shpallur në kërkim bazuar në një masë sigurie “arrest në burg” në mungesë në nëntor 2017.
Pak ditë më parë, gjykata vendosi të pranojë ankimimin e ish-ministrit të Brendshëm, Samir Tahiri për zgjatje te afateve duke caktuar 10 marsin si afatin e fundit për të çuar dosjen në gjykatë apo për pushimin e hetimeve.