Shkëlzen Gashi u largua pas tre sezonesh nga Kolorado Rapids, skuadër me të cilën firmosi menjëherë pas përfundimit të Euro 2016 të zhvilluar në Francë, ku Gashi ishte pjesë e ekipit të Xhani De Biazit. Por aventura e Gashit me Koloradon përfundoi javën e shkuar dhe vetë sulmuesi tregon për “Denver Post” sesi e larguan nga skuadra. “Nga fillimi i parapërgatitjeve të sezonit kisha leje për tu stërvitur vetëm me skuadrën e të rinjve. Aty e kuptova se klubi dhe unë do të shkonim në rrugë të ndryshme. Megjithatë, edhe në këtë situatë qëndrova si profesionist, madje shënova dy gola në 2 ndeshje”, përfundoi Gashi.
Shfaq Komentet (0)