Sport

Shehi në dilemë për aktivizimin e Bregut

15:34 - 15.03.19 Gazeta Shqiptare

Skënderbeu shkon në sfidën e fundjavës ndaj Kukësit i relaksuar, pasi korçarët kanë siguruar biletën e gjysmëfinaleve të Kupës së Shqipërisë pa luajtur duke qënë se Kamza, kundërshtari i tyre në këtë fazë u përjashtua nga gara. Në një situatë të tillë kampionia e vendit shihet si më e avantazhuar ndaj nënkampiones, por në fakt një situatë e tillë konsiderohet thikë me dy presa. Nëse është e vërtetë që Skënderbeu është më i kthjellët dhe i relaksuar, mos luajtja në Kupë bën që skuadra të ketë humbur ritmin, pasi stërvitja dhe miqësoret nuk kanë të njëjtin densitet si me ndeshjet zyrtare.



I vetmi avantazh në këtë shtyrje të kampionatit është fakti që lojtarë si Dejvi Bregu kanë mundësi të rikthehen më shpejt në fushë duke llogaritur me sfidat e luajtura, pasi është shtyrë kampionati me një javë. Ndërkohë stafi teknik e sheh si negative këtë ndalesë të garës apo mos luajtjen në Kupë, pasi lojtarët jo vetëm humbasin ritmin por u ndalën në një moment të mirë, pas atij barazimi 2-2 me përmbysje në Niko Dovana ndaj Teutës. Pikërisht nga ajo ndeshje Skënderbeu shpreson rikthimin tek rezultatet pozitive për t’iu rikthyer pretendimeve që për momentin mbetet zona europiane. Diferenca me Laçin e vendit të 4-t është vetëm dy pikë ndërsa Teuta e vendit të tretë gjendet 6 pikë përpara. Deri në fund janë edhe 12 javë kampionat ndërkohë që këtë fazë të tretë skuadra kampione e mbyll me një fitore të siguruar në tavolinë, pikërisht ndaj Kamzës së skualifikuar nga gara.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *