Qyteti i Shkodrës është tronditur nga një tjetër vrasje që ka ndodhur pasditen e sotme. Ferdinand Polia 35 vjeç është personi i cili ka mbetur viktimë e një atentati të ndodhur ditën e sotme në fshatin Grudë të Shkodrës.
Ai ishte një biznesmen i njohur në zonë dhe njihej shkurt si “Nardi i Bujtinave” , emër dhe personash mjaft i lakuar në turizmin shqiptar. Polia mësohet se kishte në pronësi një bujtinë në Theth së bashku me vëllain e tij të madh.
Polia ishte një ngabanorët e Thethit që kërkonte publikisht investime për zonën. Polia apelonte që të ndërhynte shteti për të larguar dëborën, ndërsa sot është vrarë në rrethana mafioze në mes të fshatit Grudë në Shkodër.
Ferdinand Polia ka qenë edhe punonjës i AZM, Agjencisë së Zonave të Mbrojtura. Ndërsa kolegia e tij, Age Martini përmes një statusi në profilin e saj të Facebook-ut, ka publikuar një foto që viktima, Ferdinand Polia kishte bërë me të para se të ekzekutohej.
Age Martini ka shkruar edhe një mesazh prekës duke i dhënë lamtumirën mikut të saj.
Dedikimi prekës:
‘ Paç dritë Nard Polia! …duhet të ishte e shkrume dikun, se kur âsht takimi e kafja e fundit me nji person, ne sot nuk e ditme! Zoti forcoftë familjen, kolegët i ke pikllu shumë!”
