Një ngjarje makabre është shënuar në Ukrahinë, kur një nënë ka vrarë foshnjën e saj, pasi ishte xheloze se bashkëshorti e donte atë më shumë.
Sipas policisë, 21-vjecarja, identiteti i së cilës nuk bëhet i ditur, ka pritur derisa bashkëshorti të largohej nga shtëpia për të hedhur mbeturinat, për të kryer aktin makabër.
Kur u kthye në banesë, ai pa duart e gruas të mbuluara me gjak.
Menjëherë kërkoi vajzën e porsalindur, por e gjeti atë pa jetë. I tronditur, thirri policinë, të cilët bën të mundur arrestimin e nënës së re, e cila nuk e mbante mend se çfarë kishte ndodhur.
Ata gjetën edhe thikën, teksa të tmerruar deklaruan se nëna i kishte prerë fytin foshnjës.
Sipas gjyshes së vogëlushes, nëna ishte xheloze për të bijën, pasi mendonte se bashkëshorti e donte atë më shumë.
Një vit më parë ajo ishte diagnostikuar me një inflamacion të trurit, sëmundje e cila mund të ketë ndikuar në shëndetin mendor të saj.
Ajo iu nënshtrua mjekimit dhe më 3 mars, mjeket nuk e diagnostikuan më me sëmundje mendore, pasi besonin se ishte e shëndetshme.
Tani më ajo ndodhet në paraburgim dhe do t’i nënshtrohet një vlerësimi psikik.
Nëse ekzaminimi tregon se nëna ishte përgjegjëse për veprimet e saj në kohën e veprës penale, ajo do të akuzohet për vrasje të paramenduara të të miturës dhe mund të dënohet me deri në 15 vjet burg.