Jurgen Kurti u ekzekutua mbrëmjen e së hënës në afërsi të shtëpisë së tij. Ai njihej si menaxheri i Vip-ava, por ishte një emër mjaft i njohur edhe për policinë. Kujtojmë këtu se Kurti u akuzua për vrasjen e të atit si dhe vrasjen e një tregtari në Durrës, në të dyja rastet për këto krime u fajësuan persona të tjerë.
Kurti prej pesë vitesh ishte i fejuar me Enxhi Ekonomin . Ata të dy bënin një jetë mjaft luksoze dhe postonin mjaft foto në profilet e tyre në rrjetet sociale nga udhëtimet nëpër vende të ndryshme të botës.
Madje shpesh herë ata i dedikonin njeri-tjetrit edhe dedikime dashurie në profilet tyre. Kurti një postim për të fejuarën e tij kishte shkruar:
“Nuk e përshkruaj dot sa shumë të dua ty.”
Enxhi Ekonomi zbriti menjëherë nga pallati, pasi u dëgjuan të shtënat. U tha se ajo u shkreh në vaj mbi trupin e Kurtit dhe se klithi:
“Më lini të kaloj… Jo, o Zot të lutem ai është shpirt, ai është jetë. Nuk kam më shpirt.’’
