Zbulohen të tjera detaje për vrasjen e avokatit Ravik Gurra mbrëmjen e kaluar në një lokal në qendër të qytetit të Elbasanit.
Sic raportoi nga vendngjarja gazetarja Klodiana Lala, avokati i familjes Çapja dhe Emiljano Shullazit, u qëllua me dy plumba pas koke me pistoletë me silenciator nga një person i maskuar që më pas është larguar me makinë tip ‘Benz’.
Mjeti tip ‘Benz’ rezulton i vjedhur në Fushë Krujë dhe u gjet i djegur në fshatin Karakullak.
Policia ka marrë në pyetje disa pjesëtarë të fisit Çapja, por deri më tani nuk ka asnjë të dyshuar për vrasjen, teksa pista kryesore e hetimit mbetet për shkak të detyrës se tij.
Policia ka sekuestruar kamerat e sigurisë së bizneseve pranë për të hedhur më shumë dritë për ngjarjen.
Dhoma e Avokatisë ka njoftuar se do të bojkotojnë për 3 ditë seancat gjyqësore në shenjë proteste për vrasjen e kolegut të tyre.
Sot do të mbahet edhe ceremonia e varrimit të avokatit, pasi pritet të vijnë në Shqipëri bashkëshortja e tij si dhe vajzat që ndodhen në Angli.
Gurra ishte i ulur në ambientet e jashtme të një lokali mbrwmjen e djeshme, kur është qëlluar me armë zjarri.
Ai njihej në Elbasan si mik i fisit Çapja, ndërsa së fundmi ka qenë avokat dhe i Emiljano Shullazit.
Po ashtu më herët 50-vjeçari ka qenë avokat dhe i ish-drejtorit të ARRSH-së, Dashamir Xhika.