Forcat e mbështetura nga Shtetet e Bashkuara shpallën të shtunën kapjen e territorit të fundit të Shtetit Islamik në Siri, duke eliminuar sundimin e tij mbi një “kalifat” të vetëshpallur.
Pasi ka përshëndetur rënien e “kalifatit”, presidenti Donald Trump ka thënë se xhihadistët mbeten ende një kërcënim nga qelizat e fjetura në të gjithë botën.
Reagimi i Trump erdhi pasi forcat demokratike siriane, të udhëhequra nga kurdët, ngritën flamujt e fitores në qytetin sirian të Baghuz, bastioni i fundit i Shtetit Islamik.
Presidenti amerikan tha se SHBA-të do të mbeten vigjilente derisa Shteti Islamik të shkatërrohet,
Tramp ka rikujtuar se Shteti Islamik është përgjegjës për ekzekutime brutale, vrasjet e grave dhe fëmijëve si edhe dhunës seksuale.
Megjithëse humbën territor në Siri dhe Irak, Shteti Islamik mbetet aktiv në vendet nga Nigeria në Filipine.
