Kriza politike në Shqipëri ka efekte të pashmangshme në ekonominë e vendit. Banka Botërore ka prezantuar sot raportin ekonomik rajonal, që nënvizon se ka një rritje të investimeve të brendshme, ama është pikërisht politika që po e pengon.
Esmeralda Shijaku, ekonomiste pranë këtij institucioni, thekson se kriza politike ka bërë që investuesit të tremben.
“Kriza politike ka bërë që investitorët të tremben. Pasiguria politike ka dëmtuar biznesin në vend. Sa më pak kriza të ketë politika e një vendi, më shumë investime ka gjasa të ketë, të brendshme dhe nga jashtë. Ka një rritje ekonomike në vitet e fundit. Janë rritur investimet e brendshme. Ndërkohë, investimet e huaja vazhdojnë të zënë peshë të rëndësishme në ekonominë e vendit”, tha Shijaku.