Punësimi i të afërmëve të politikanëve në Kosovë ka risjellë në vëmendje problemin e nepotizmit. Kryetari i Kuvendit, Kadri Veseli e ka arsyetuar me faktin se punësimet bëhen për shkak që njerëzit të mos dalin jashtë shtetit.
Kjo çështje ngjalli debate te shumta për disa ditë rresht, ndërsa “lufta” më e fortë është zhvilluar në rrjetet sociale.
Duke e lidhur me nepotizmin, analisti kosovar Enver Robelli, sjell në vëmendje transformimin e gjuhës shqipe.
“A do të gëzohej Eqrem Çabej po të ishte gjallë?”, pyet ai përmes një postimi në Facebook.
“A do të gëzohej Eqrem Çabej po të ishte gjallë? Fjalori i Gjuhës Shqipe po pasurohet me fjalë të reja: “kunatokraci”, “tezakokraci”, “hallokraci”, “nipokraci”, “axhokraci”, “baxhanakokraci”, “bacokraci”, “stërnipokraci”, “dajokraci”, “kushërirokraci”, “babokraci”. A do të gëzohej Eqrem Çabej po të ishte gjallë? Jo. Do t’i dilte punë në shkrimin e një fjalori të ri. Ai do të quhej: Fjalori i Poshtërsive Shqiptare (FPSH)”, ka shkruar gazetari.