Drejtori sportiv i Lacios ka reaguar ashpër pas ndeshjes Milan-Lazio, që përfundoi 1 me 0 në favor të kuqezinjve.
Igli Tare ka “shpërthyer” ndaj arbitrit të takimit duke e qujtur ndeshjen “kronikën e një vdekje të paralajmëruar”.
“Ishte kronika e një vdekjeje të paralajmëruar, diçka të cilës i trembesha që para se të fillonte takimi. Zhvilluam një ndeshje të madhe dhe më vjen keq që u vendos nga episodet, jo nga fusha. Penalltia për Milanin mund të jepej ose jo, por ne na u mohua një 11-metërsh i pastër kur Rodriguez ndërhyri ndaj Milinkoviç-Saviç në zonë. Duhet të vijojmë punën tonë dhe llogaritë t’i bëjmë vetëm në fund. Kemi përpara edhe ndeshjen e Kupës ndaj Milanit, ku duhet të tregojmë vlerat tona, ndonëse mund të them se arbitrat janë në borxh të madh me ne, që prej vitit të kaluar”, tha Tare.