Shqiptari Aleksandër Luca, i cili akuzohet për vrasjen e studentes greke, Eleni Topaludhi, në Rodos ka thyer heshtjen nga burgu.
Sipas mediave greke, ai është pyetur në lidhje me dëshminë që ka dhënë shoku i tij grek, 21-vjeçari, Manolis Koukouras.
Shtetasi grek ka pohuar se shqiptari është fajtor i vetëm i krimit të kryer. Por, pas kësaj deklarate, shqiptari ka reaguar dhe ka treguar versionin e tij të ngjarjes.
“Unë nuk e di dhe mua nuk më intereson se çfarë thotë greku. Unë kam një avokat”-tha ai.
Por, kjo pistë hidhet poshtë nga babai i studentes, i cili shprehet se greku dhe shqiptari kanë gisht në ngjarjen e rëndë.
“E vërteta është e qartë për ne. Ata vepruan bashkë. Tani ju doni të provoni se cili prej tyre e goditi me shufër metalike dhe cili e hodhi atë në det”, u shpreh, John Topaludhi, babai i studentes së vrarë.
Ai këmbëngul që një akti i tillë nuk mund të bëhet vetëm nga një person. Shqiptari dhe greku mbahen në burg për akuzën e vrasjes së studentes, ndërsa nuk kanë asnjë komunikim me njëri-tjetrin.
Shqiptari tregoi në dëshminë e tij, se ishte greku që e qëlloi me shufër hekuri dhe kur vajza ra pa ndjenja e morën në makinë dhe e hodhën nga shkëmbinjtë.
Nga hetimet doli se vajza nuk kishte vdekur nga goditja, por nga mbytja ne det.
