“Më e vështirë sesa të jetosh, është të rrisësh 2 femijë jetimë e të sëmurë…” 45 vjecarja Alma Gjoni nga Malësia e Madhe, prej 7 vitesh rrit e vetme dhe në mes të skamjes 2 djem të sëmurë.
Që prej vdekjes së bashkëshortit, barra më e madhe për Almën ishte të rriste dy djemtë e saj 23 dhe 20 vjec të dy me aftësi ndryshe. Jetesa në një dhomë të vetme për 3 anëtarët e familjes është tepër e vështirë.
Kushtet tepër të vështira dhe të mjerueshme e detyrojnë Almën që të gatuajë atë pak ushqim në këtë ambient i cili shërben edhe si tualet. Ajo thotë se nuk ka asnjë mundësi për t’u siguruar fëmijëve bukën e gojës. Edhe pse marrin kemp ai nuk mjafton për të paguar ujë e drita, apo qoftë edhe një pjesë të ilaceve për djemtë.
Djali 20-vjeçar thotë se konsumon më shumë ilaçe se sa bukë për shkak të pamundësive ekonomike.
45 vjecarja Alma Gjoni lutet që ta dikush ta ndihmojë me banesën, e cila nga dita në ditë rrënohet më tepër. Njëri nga djemtë tregon se nuk ka qenë kurrë i lumtur dhe ëndrra e tij është një shtëpi siç e kanë gjithë të tjerët.
