BOTA

“Incident terrorist”, arrestohen dy persona si të dyshuar për vrasjen e gazetares

14:11 - 20.04.19 Gazeta Shqiptare
GSH APP Download on Apple Store Get it on Google Play

Dy persona janë arrestuar si të dyshuar në lidhje me vrasjen e gazetares irlandeze, Lyra McKee.




Nën akuzat e aktit terrorist, dy personat e moshës 18 dhe 19 vjeçare, u arrestuan vetëm disa ditë pas vrasjes së gazetares 29 vjeçare në Londonderry të Irlandës veriore, e cila ishte duke mbikëqyrur protestat mbrëmjes e së enjtes.

Policia është duke e trajtuar rastin si “incident terrorist” dhe dyshon se një grup i disidentëve republikan i quajtur IRA e Re të jetë përgjegjës për vrasjen.

Kryeministrja britanike, Theresa May, tha se vrasja ishte “tronditëse dhe e pakuptimtë”.

“Zonja McKee ishte një gazetare që vdiq duke bërë punën e saj me kurajo të madhe”, shtoi kryeministrja May.

Disa pamje kanë shfaqur momentet e fundit të gazetares pasi u qëllua me armë zjarri si dhe të dyshuarit që kryen sulmin.

Shërbimi policor i Irlandës deklaroi se një person qëlloi me armë zjarri drejtë policisë të enjten rreth orës 23:00.

McKee ka qenë redaktore në mediumin Mediagazer me bazë në Belfast.

Puna e saj si gazetare përfshinte raporte që shtjellonin dekadat e dhunës në Irlandën e Veriut dhe ajo ishte përshkruar si një yll në rritje i gazetarisë hulumtuese.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.