Ditën e djeshme, një pjesë e demokratëve të pakënaqur me Partinë Demokratike zyrtarizuan në Gjykatën e Tiranës regjistrimin e partisë më të re në vend, të quajtur “Bindja Demokratike”. Por, para se të dilnin në këtë vendim, kreu i kësaj nisme politike, Astrit Patozi mblodhi në një takim që zgjati për afro 3 orë disa nga bashkëpunëtorët e tij më të ngushtë, ku dhe ranë dakord për formalizimin e kësaj lëvizjeje politike. Mësohet se takimi u mbajt në një studio muzikore, që zotëron një nga anëtarët e këtij grupi nismëtar të kësaj force të re, Arben Skënderi, me vendndodhje pranë Liqenit Artificial. Arben Skënderi nuk është një emër i panjohur. Ai është një nga muzikantët më të njohur, ndërkohë në studion e tij kanë regjistruar këngët e tyre edhe shumë emra të njohur që nga Ardit Gjebrea e deri te Kastriot Tusha.
Bulevardi politik/ Na merrni seriozisht!
