Perimet që shikoni në fotografi janë blerë tek një shitës ambulant në Pejë dhe kushtojnë 78 euro. Të paktën kështu pretendon deputeti kosovar Gani Dreshaj.
Ai ka postuar fotografinë e perimeve në facebook, ndërsa në përshkrimin e saj deklaron se kaq vite pas luftës në Kosovë, është për keqardhje që ende marketet funksionojnë pa kuponë fiskalë.
Statusi i plotë i Dreshajt
Besoni apo jo, këto perime të blera sot në Pejë, tek një shitës ambulant më kanë kushtuar plot 78 euro.
Nuk është me rëndësi vlera e paguar, sa është për keqardhje që kaq shumë vite pas lufte, e shtetësie, ende marketet tona paguajnë pa kupona fiskalë, pa çmime të produkteve e pa dhënie llogarie tek blerësi.
E kam fituar bindjen se shumë shitës në Kosovë caktojnë shumën e produkteve në bazë të dukjes së veturave apo tabelave të regjistrimit që kanë.
I bëj thirrje ministrit Endrit Shala që të ndërmerrë masa dhe në të gjitha tregjet e Kosovës dhe shitjeve ambulantive të vendosen çmimet e produkteve sepse kështu respektohet konsumatori dhe shteti.