Ka shumë “teori” të përhapura kryesisht nga meshkujt, që thonë se gratë shumë herë nuk e dinë se çfarë duan. Kjo pranohet shpesh edhe prej vetë femrave të cilat jo pa humor bëjnë autoironi për dëshirat e kundërta që mund të kenë njëkohësisht.
Duke kujtuar këtë, flasim për aktoren Jennifer Garner, e cila është zgjedhur si gruaja më e bukur në botë nga revista “People”.
Por ky titull që do të gëzonte shumë vajza e gra në botë duket se nuk është i rëndësishëm për aktoren.
Aktorja 47-vjeçare u shpreh se nuk ndihet rehat me këtë titull edhe pse është e nderuar që është zgjedhur si më e bukura e botës.
“Garner ka ditur të balancojë karrierën e saj, familjen dhe impenjimet sociale”, shkruan “People” për aktoren, ndërsa 47 vjeçarja, që është edhe nënë e 3 fëmijëve me aktorin Ben Affleck është shprehur se nuk e konsideron veten tërheqëse dhe ana fizike për të nuk ka asnjë rendësi me krahasim me karrierën dhe jetën familjare.
