Nuk është e qartë se përse akademiku Artan Fuga ka zgjedhur pikërisht disa kafshë të caktuara për të përcjellë situatën politike në vend, por e sigurt është që ironia e tij i prek pak të gjithë.
Fuga tregon “bisedën” e disa kafshëve, të cilat tregojnë arsyet që kanë para se të hedhin një votë në kutinë e votimit.
Reagimi i plotë:
Shkuan gjallesat të votojnë
Gomari: Ku di unë ç’a thonë, për mua ka rëndësi të pëllas që të dukem.
Derri: Unë kam pak kërkesa, Shqipëri hesapi, pak baltë dua unë sa të zhgryhem…
Miu: Aman ta hedh votën sa për t’u dukur se votova që mos më thonë po ti o mi përse qendron në vrimën tënde???
Dhelpra: T’ja jap votën ariut se është leshko.
Papagalli: Unë votoj gjithmonë njësoj jam besnik, nuk di slogane të tjera.
Delja: Unë votoj qorrazi si delet e tjera, e di dashi se ku duhet ta hedh votën.
Lakuriqi i natës: Cfarë prisni nga unë që të mos votoj qorrazi!!!
Iriqi: Unë votoj për inat, ngre gjëmbat përpjetë dhe mendja s’më punon fare. Mos më nxehni po ju them!
Breshka: Kushdo të fitojë mua s’më bën dot gjë se kam zhguall unë, të tjerët kush po çan kokën për ta!
Majmuni: Unë votoj me imitim, si të votojë derri.
Kërmilli si hermafrodit: Unë nuk votoj se jam i depolitizuar.
