Një vajzë 25-vjeç është akuzuar për vrasje, pasi ka shtyrë një të moshuar 74-vjeçar nga autobusi, i cili fatkeqësisht nuk i ka mbijetuar plagëve të marra.
Cardesha Bishop, u arrestua pasi policia e Las Vegas publikoi një video të incidentit dhe inkurajon dëshmitarët e mundshëm që të paraqiten nëse kanë informacione rreth ngjarjes.
Në videon e publikuar nga policia, vajza shihet duke folur me të moshuarin Serge Fournier pasi hyri në autobus.
Ndërsa ai po lëvizte për të dalë me një mbajtëse metalike, diskuton dhe i thotë asaj të sillet mirë. Por, siç shihet në video, ajo e ka shtyrë atë nga prapa me forcë.
Madje, pasi e shtyhu të moshuarin nga autobusi, i cili ka rënë në trotuar mbi mbajtësen metalike, vajza as nuk është penduar por u largua pa i ofruar ndihmë.
I moshuari, Serge Fournier, nuk mundi të mbijetonte si pasojë e plagëve të marra dhe ndërroi jetë pas disa orësh.
Trevor Taylor, një fqinj i Fournier, tha për mediat lokale se: “Ai ishte një fqinj i shkëlqyer. Një njëri i mirë dhe fetar”.
Ai shtoi: “Duke marrë parasysh moshën e tij, ajo nuk duhet ta kishte bërë atë gjë. Njerëzit kanë nevojë për më shumë durim kur janë në atë moshë”.