Tomislav Bushiç ka qenë një nga sulmuesit e huaj që ka spikatur në kampionatin tonë me Tiranën, Vllazninë, por edhe Flamurtarin. Në janar u bë pjesë e Teutës dhe u konsiderua si një nga afrimet e bujshme të durrsakëve, por ka pasur luhatje me dëmtimet. Në një prononcim për “Supersport”, sulmuesi kroat ka pohuar:
“Me këtë fitore jemi shumë afër objektivave të klubit dhe tashmë e kemi mendjen dhe jemi të përqendruar te ndeshja e radhës me Partizanin, ku synojmë pikët e plota. Mendoj se me Europën janë të gjithë të kënaqur. Janë tri finale dhe duhet që të marrim sa më shumë pikë nga sfidat e mbetura, sepse edhe rivalët i kemi shumë afër dhe aktualisht nuk kemi siguruar asgjë. Jemi gati për ndeshjen e radhës. Natyrisht që barazimi me një ekip si partizani që ka fituar titullin dhe e përgëzoj për këtë nuk është keq, por ne duam 3 pikët. Në Durrës do ta mundim Partizanin”, – tha Bushiç në fund të prononcimit në prag të ndeshjes shtëpiake me të kuqtë.