Pas fotografisë së publikuar ditën e djeshme, ku dëshmohet dhunimi i një gruaje nga ushtarët serbë gjatë luftës në Kosovë, policia e Kosovës ka pyetur deputeten e Kuvendi të Kosovës, Flora Brovina.
Fotoja ka rezultuar false, teksa deputetja Flora Brovina, ka deklaruar para mediave se besonte se ajo ishte e vërtetë.
“E kam marrë nga një asociacion, pra këshilli i drejtave të njeriut. Një aktivist ma ka dorëzuar dokumentin në zarf dhe e dokumentonte se mund ta përdori dhe se personi është gjallë, dëshmitare ka qenë edhe nënkryetarja e komisionit për personat e zhdukur. Unë kurrë s’kam menduar se dikush mund të më sjellë dokumente që nuk janë të verifikuara dhe të sakta. Shumica e dhunimeve në Kosovë kanë pasur situata të ngjashme, prandaj nuk kam besuar që ky dokument nuk është i saktë” u shpreh Brovina.”, ka thënë Brovina.
Brovina u ka kërkuar falje të gjithëve që janë ndjerë të shqetësuar pas publikimit të fotos që ajo bëri dje në Kuvendin e Kosovës dhe që ngjalli reagime të shumta në publik.
“Përgjigjen më të mirë do të jep Prokuroria e Shtetit të Kosovës”, tha ajo.
Në përfundim, Brovima ka thënë që është e gatshme të bashkëpunoje me institucionet e shteti për zbardhjen e të gjitha rasteve duke filluar nga helmimet, masakrat dhe dhunimet e grave.