Kreu i qeverisë, Edi Rama gjatë një takimi që zhvilloi sot me kandidatët për kryetar bashkie, tha se ata që do të shkelin ligjin gjatë zgjedhjeve dhe mund të futen në listën e zezë të të dënuarve dhe do t’u hiqet përjetë e drejta për të hyrë në SHBA dhe vendet e BE-së.
Ish kryeministri Berisha e ka komentuar me ironi këtë deklaratë të Ramës duke u shprehur se kreu i qeverisë mund të shpallë dhe ndalimin në hënë të armiqve.
“Paranoja e tij nga mos mjekimi ka arritur gjer në re! Herën tjetër prisni kur të shpallë se armiqve të tij do iu ndalohet përgjithmonë hyrja në hënë dhe familjarët e tyre do internohen në Shkretëtirën e Gobit”, shkruan Berisha.
(m.k/BalkanWeb)
Shfaq Komentet (0)