Ajo është përfolur shpesh nëpër media rozë për jetën e saj private dhe një lidhje të mundshme me dj Sardin, por mesa duket nuk qenka aspak e vërtetë. Në fakt, moderatorja është e lidhur prej kohësh me producentin Besnik Krapi dhe së shpejti biles do të lidhin kurorë. Pas këtij lajmi të mirë, Jonida Vokshi tregoi po ashtu se si e pritën këtë lajm familjarët e saj. Gjatë emisionit “Xing me Ermalin” në Tv Klan ku ajo ishte e ftuar, u shpreh se ata u gëzuan shumë dhe se tashmë e kanë lënë në hije dhe duan më shumë Besnik Krapin. Ajo tha se martesa e tyre është konkludim i dashurisë që kanë për njëri-tjetrin dhe se vendimi i tyre nuk ka të bëjë me faktin që shpesh prindërit iu kërkojnë fëmijëve të tyre të martohen dhe të krijojnë familje. Ermal Mamaqi: Tërë këto vite në heshtje…
A u gëzuan ata të shtëpisë? Se halli familja është, njerëzit ndonjëherë martohen për familjen. Mos ndoshta t’i po e bën këtë për familjen? Jonida Vokshi: Jo unë po e bëj për veten time, për dashurinë që kam për Besnikun, Besnik Krapin. Ermal Mamaqi: Po shyqyr që e the se plasëm. Jonida Vokshi: Pasi ia thamë familjarëve lajmin, sigurisht u gëzuan shumë, por tani familja ime do më shumë Besnikun se sa mua. Kam kaluar në hije. Besniku ka mbaruar për aktor dhe është producent.