Ka ndërruar jetë 16-vjeçari që u përplas nga treni në Durrës rreth orës 11:00 të paradites së kësaj të hëne.
Pas aksidentit i riu u dërgua menjëherë në spital, por fatkeqësisht nuk ka mundur t’u mbijetojë plagëve të marra. Pas tre orëve në sallen e operacionit, mjekët nuk mundën të bënin dot asgjë për të riun.
Aksidenti tragjik ndodhi në hyrje të stacionit hekurudhor, ndërsa mësohet se 16-vjeçari i dentifikuar si Samuel Kokomani nuk e ka dëgjuar trenin pasi kishte kufje në vesh.
Ky nuk është rasti i parë kur muzika bëhet shkak i ngjarjeve tragjike. Para disa vitesh një tjetër adoleshente humbi jetën pasi u përplas nga treni në afërsi të Laprakës, teksa dëgjonte muzikë me kufje në vesh.
Shfaq Komentet (0)