Aktualitet

Punonin në të zezë, Zvicra iu vë ‘fshesën’ 5 shqiptarëve

08:12 - 21.05.19 gsh

Policia Kantonale e Zyrihut në kuadër të goditjeve të rasteve të paligjshmërisë ka vënë në pranga pesë kosovarë në një kantier ndërtimi, në vendin e quajtur Richterswil.



Sipas mediave vendase, arrestimi i tyre është bërë të enjten që shkoi, ndërsa rasti është bërë publik një ditë më parë. Efektivët e policisë kanë kryer kontrolle të imtësishme në  një kantier ndërtimi në Richtersëil të Zyrihut, shkruan kapo-zh.ch. Nga ky operacion u konstatuan se pesë shqiptarë të Kosovës nuk kishin të drejtë qëndrimi në shtetin e Zvicrës, por po punonim ilegalisht në këtë kantier. Mësohet se personat e arrestuar janë të gjithë meshkuj të moshës nga 19-33 vjeçare, raporton “BalkanWeb”.

Menjëherë janë marrë masa ndaj punëdhënësit, i cili siç theksojnë mediat është me origjinë nga Maqedonia e Veriut. Ai është kallëzuar penalisht dhe ndaj tij tashmë rëndojnë akuzat e punësimit ilegal të shtetasve të huaj, që nuk përmbushin kriteret ligjore për të vijuar aktivitetin e tyre ekonomik.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *