Prindërit e Rita Orës kanë lënë Kosovën kur ajo ishte vetëm një vjeç. Këngëtarja me famë botërore është rikthyer herë pas here në vendin e saj, por duket se ende nuk është e kënaqur me atë që sheh në Kosovë. Në një intervistë për “The Sun”, Rita Ora ka folur për origjinën e saj shqiptare dhe për vizitën e saj të fundit në Kosovë.
“Unë shkova në vendin time me UNICEF sepse nuk kisha qenë në ato vende që vizitova dhe ishte më keq seç e prisja, kushtet shumë të vështira”,-është shprehur Rita Ora gjatë intervistës.Ajo ka shtuar më tej që ndihej e bekuar që ishte rritur në Britani: “Ishte shumë emocionuese për të parë dhe për të kuptuar se sa e bekuar dhe mirënjohëse jam që isha në gjendje të vija në Mbretërinë e Bashkuar dhe të bëja ëndrrat e mia realitet dhe ëndrrat e prindërve të mi”.
