Pasuria e Gramoz Ruçit/ Ka një jetë në politikë, por më të pasur janë fëmijët

Ndonëse me një eksperiencë të gjatë në punë, të ardhurat më të mëdha në familjen e Kryetarit të Kuvendit i kanë dy fëmijët e tij, vajza dhe djali. Rezulton se Ruçi ka marrë gjatë vitit që lamë pas 2.6 mln lekë nga paga e Kuvendit dhe nga pensioni i bashkëshortes së tij 132 mijë lekë. Ndërkaq, vajza e kryeparlamentarit duket se ka pasur një vit të suksesshëm në 2018-n duke deklaruar si fitim neto nga noteria 23.4 mln lekë të reja. Ndërsa djali ka shtuar 23 mijë euro në bankë të përfituar nga qiraja për vitin 2018, ndërsa ka likuiduar një detyrim prej 32 mijë eurosh. Nga vetëdeklarimi rezulton se të ardhurat e tij nga puna në Albkotnroll kanë qenë 1.8 mln lekë të rinj dhe të ardhurat nga kontrata të qirasë kanë qenë 23 300 euro dhe nga një qira tjetër në vlerën 1.2 mln lekë.