Suksesi ka rrugën e vet të mundimit. Në majë arrin ai që bart mbi shpinë talentin, guximin dhe punën e përkushtuar. Aktorja Arjeta Dhima e njohur në role teatri, komedie dhe së fundmi e vetmja ventrilokuiste profesioniste në Shqipëri, di si shkohet në rrëpira sakrificash për t’u krijuar identiteti i artistit. E ftuar tek “Dikush” me Anilda Kaçaçin në “Youtube” të “Gazeta shqiptare. al”, Arjeta Dhima u vu përpara pyetjes se çfarë do të thotë shprehja “Shkopinj nën rrota”. E befasuar, thotë se nuk do ia kishte bërë as armikut. Me të qeshur shton se po iu mbush mendja, njeriut që i bëhet ky kurth, i merr me vete e i ruan shkopinjtë. Po si sillet ajo realisht me aktorë që i sheh në një nivel të mirë? “Dëshiroj të ketë sa më shumë të mirë profesionalisht dhe me ambicie pune. I përshëndes. Ndoshta nuk mund të më kenë pëlqyer, por shoh që kanë bërë maksimumin e vet. Nëse sot i shaj, nesër unë do punoj me ata. Jemi vend i vogël.” -shprehet Arjeta, duke shtuar se ka vend për të gjithë. Në emision u fol për herë të parë për jetën e saj private, ku aktorja me shumë simpati hedh një hije dyshimi për diçka të re, të bukur dhe emocionale.
AKTUALITET
Video/ Aktorja Arjeta Dhima: Shkopinj nën rrota? As armikut
Shfaq Komentet (0)