Ish-presidentja e Kosovës, Atifete Jahjga doli sot në një konferencë për mediat, ku dha detajet e organizimit të shënimit të 20 vjetorit të hyrjes së NATO-s në Kosovë.
Gjatë mandatit të saj si presidente e Kosovës, Jahjaga është komentuar shpesh nga mediat për “gafat” që ka bërë gjatë daljeve të saj publike.
Atifete Jahjaga është pyetur nga gazetarët nëse në mesin e të ftuarve është edhe ish-kryeministri i Shqipërisë Sali Berisha. Jahjaga konfirmoi se edhe Berisha është i ftuar në këtë organizim, por duke ju referuar si kryeministër liderit demokrat.
“Për të gjithë vendet e rajonit, domethënë duke përfshirë kryeministrin Berisha janë në kuadër të kësaj (këtyre) listave të ftesave”, u shpreh Jahjaga.
Kujtojmë se përveç kritikave për artikulimin e Jahjagës në gjuhën shqipe, ish- presidentja është vlerësuar pozitivisht gjatë paraqitjeve të saj kur fliste në gjuhën angleze.
Shfaq Komentet (0)