Ledri Vula është një ndër reperët më të suksesshëm dhe në Shqipëri dhe jashtë saj. Ai është shumë aktiv në rrjetet e tij sociale, ku ndan me fansat e tij foto dhe video të ndryshme nga jeta profesionale dhe private. Së fundmi, sipas raportimit të portalit “IconStyle”, Ledri Vula u bë me shtëpi pak kohë më pare, ku pamjet e vilës së re në zonën e VIP-ave u bënë publike në nëntor të vitit 2018.
“Iconstyle” mësoi se reperi i njohur shqiptar kishte bërë një investim me vlerë mbi 200 mijë euro në një nga zonat më të njohura të Kosovës, në Brezovicë. Por, pak muaj më vonë mbërrijnë pamjet e para të aredimit të brendshëm. Kamera e programit “My Living” shfaq pamjet e shtëpisë ku reperi jeton me familjen e tij. Xheraldina, e ëma e Ledrit, shoqëroi kamerën në ambientet e ndryshme të shtëpisë, me aredimin e së cilës është marrë vetë ajo.