Në 20 vjetorin e bombardimeve të NATO-s në Kosovë, Prishtinën e kanë vizituar dy nga njerëzit të cilët ndikuan në lirinë dhe pavarësinë e vendit, ish-presidenti amerikan, Bill Clinton dhe ish-sekretarja amerikane, Madeleine Albright.
Disa qytetarë në shenjë falenderimi dhe mirënjohjeje, nuk hezituan të dalin rrugëve e t’i përshëndesin ata gjatë rrugës deri në objektin e Qeverisë së Kosovës.
Një pritje fantastike iu bë Madeleine Albright-it edhe para Katedrales Shën Nënë Tereza në Prishtinë, ku ishte organizuar nga Zyra e Presidentit një koncert nga Filharmonia e Kosovës.
Këtë video të realizuar ditën e djeshme e ka postuar në llogarinë e tij Facebook ministri i zhvillimit ekonomik të Kosovës, Valdrin Lluka.
Sot nga ora 11:00 deri në 12:30 ftohen qytetarët të dalin në sheshin e Prishtinës për të nderuar Bill Clinton dhe Madeleine Albright.
