Presidenti Ilir Meta ia ka delguar këshilltarit të tij Bledar Dervishaj të drejtën për të sqaruar qytetarët rreth vendimin për shfuqizimin e dekretit për zgjedhjet e 30 Qershorit.
Presidenca ripërsëriti edhe një herë qëndrimin e tij se vendimi është marrë në përgjegjshmëri të plotë për të shmangur një konflikt destabilizues e sigurinë publike.
Në emër të Presidentit Meta, këshilltari Dervishaj ka komentuar edhe diskutimet e mbajtura në e sotme seancën plenare, duke theksuar se në vend të një reflektimi u lëshuan lumenj fyerjesh.
“Në vend të një diskutimi mbi argumentat ligjorë, dhe në vend që sot të ishte një momënt reflektimi e të diskutohej mbi veprimet pozitive për negociatat apo zgjidhjen e krizës, u lëshuan lumenj fyerjesh. Kjo retorikë nuk i shërben as zgjidhjes së krizës e as paqes sociale në vend”, deklaroi Dervishaj.
Fjala e këshilltarit Dervishaj:
Presidenti ka ndjekur me vëmendje të gjitha diskutimet që u zhvilluan sot në parlament, ku u diskutua vendimmarrja për zhdekretimin e 30 Qershorit. Në vend të një reflektimi dhe të një diskutimi për zgjidhjen e krizës, sot u lëshuan lumenj fyerjesh ndaj institucionit të Presidentit.
Kjo retorikë nuk i shërben zgjidhjes së krizës dhe paqes sociale. Presidenti thekson para shqiptarëve dhe partnerëve se dekreti për shfuqizimin u mor në mbështetje me dispozitat Kushtetuese. Ky akt është marrë bazuar te argumentet Kushtetuese.
Ai është në fuqi dhe i detyrueshëm për zbatim nga të gjithë. KQZ është e detyruar ta zbatojë, cdo vendim tjetër është i patolerueshëm nga ligji. Cdo parti që e kundërshton është e lirë të ngrejë pretendimet në gjykatën Kushtetuese apo tjetër që vlerëson se mund të zgjidhë cështjen“.