Në një bashkëbisedim me gazetarët, kreu i Partisë Demokratike, Lulzim Basha ka komentuar vendimin e parlamentit holandez për refuzimin e hapjes së negociatave të Shqipërisë me Bashkimin Europian.
Sipas kryedemokratit Basha, Holanda ka hedhur poshtë propagandën e shpërlarë të Edi Ramës dhe tashmë vendet e BE-së kanë një radiografi të qartë se çfarë ka ndodhur gjatë 6 viteve të qeverisjes së Ramës.
“Kjo është historia e një njeriu që e lidhi fatin e tij me krimin e organizuar dhe me vrasësit. Me ata u mësua të diktonte procese elektorale, me ta erdhi në pushtet dhe me ta e për ta ndodhet sot në pushtet.
Mbretëria e Holandës, duke hedhur poshtë propagandën e shpërlarë të Edi Ramës ka cituar në vendimin Parlamentit, arsyet se pse refuzon hapjen e negociatave të anëtarësimit, për shkak të krimit të organizuar. Vendet e BE kanë një radiografi të qartë të 6 viteve të drejtimit të vendit nga Edi Rama”, u shpreh Basha.