Për 20 vite, nuk kanë reshtur falenderimet ndaj ish-presidentit amerikan Bill Clinton. Ai ka treguar dje para qytetarëve të Kosovës një episod që për të është njënga momentet më të bukura të karrierës politike.
Clinton ka treguar në Prishtinë se si një kamerier shqiptar i ka rënë në gjunjë për ta falënderuar atë për kontributin e dhënë në çlirimin e Kosovës.
Clinton e konsideroi këtë falënderim si gjënë në të rëndësime gjatë periudhës sa e drejtonte Shtëpinë e Bardhë.
“Gjithçka ka të bëjë me të ardhmen në fund të fundit. Më duhet t’i falënderoj misionet diplomatike dhe ushtarake që kanë shërbyer për çlirimin dhe shtetndërtimin e Kosovës.
Gjatë kohës sa kam qenë pjesë e Shtëpisë së Bardhë, gjëja më e rëndësishme që më ka ndodhur është çasti kur isha në një restorant me miq; kur një kamerier shqiptar me ra në gjunjë dhe më falenderoi”, tha Clinton.
Po cili është kamarieri që ka surprizuar Clinton? Ai është shqiptari Arben Hysenaj nga Katundi i Ri i Pejës.
Arben Hysenaj, punon në “The Sea Fire Grill”, në New York të SHBA. Ky kujtim i veçantë, është shkrepur më 17 shkurt të 2019, në 11-vjetorin e Pavarësisë së Kosovës.
