Në lajmet tona të “show-bizz”-it, në rubrikën “nostalgji” mund të gjeni fotografi, lajme apo intervista të veçanta, të publikuara gjatë viteve në suplementin “Bluetooth” të “Gazetës Shqiptare”. Në GSH.al, sot po ju sjellim:
Eshtë votuar si njëri nga ministrat më aktivë të kabinetit Berisha në këtë vit të parë të qeverisjes së djathtë, dhe këtë e ka treguar edhe me rezultate, por mesa duket e gjithë energjia e ministrit Pollo mbetet brenda zyrës. Në jetën e përditshme z.Pollo duket se nuk preferon aktivitetet fizike. Një shembull i këtij dyshimi është fokusuar nga aparati i Bluetooth në një garë sportive të organizuar pak kohë më parë, ku ministri ka qënë i pranishëm së bashku me ambasadoren amerikane Marci Ris.
Ndërsa të gjithë konkurentët jo profesionistë në këtë garë po digjnin kaloritë e tepërta, ministri i Arsimit preferoi të ndiqte gjithçka nga vija e finishit. Por ç’ishte më e keqja konsumoi edhe një sanduiç dhe një Coca-Cola, plot kalori të rënda për formën fizike. Z.Pollo vërtet mund të jetë në moshë të re që të shqetësohet për vendosjen e barkut apo kile të tepërta, por nuk është kurrë herët për t’u shqetësuar.
Ky shkrim u botua më 16 shtator 2006