Kosova po kalon një moment fantastik në arenën e futbollit Europian. “Dardanët” janë cilësuar si surpriza më e bukur, teksa përveç rezultateve pozitive, përfaqësuesja kosovare, vazhdon gjuetinë për afrimin e talenteve që luajnë nëpër klube të rëndësishme të Europës. Pas mbrojtësit të Hadërsfilld, Florent Hadergjonaj, një tjetër “yll”, pritet t’i bashkohet “dardanëve”.
Bëhet fjalë për mesfushorin e Hanoverit, Florent Muslija. 20-vjeçari do të “braktisë” shumë shpejt Gjermaninë për t’iu bashkuar Kosovës. Lajmi është konfirmuar nga presidenti i Federatës, Agim Ademi. “Jemi në bisedime me shumë lojtarë. Muslija ndoshta do të jetë i pari që pritet të na bashkohet. Tashmë edhe me këto rezultate që po vijnë është interesi i secilit t’i bashkohet Kosovës”,-ka thënë Agim Ademi në një intervistë për ‘Debat Plus’ në RTV Dukagjini.