Policia franceze ka ka arrestuar ish-Presidentin e UEFA-S, Michel Platini. Ai u vu në pranga si pjesë e një hetimi për korrupsion në procesin përzgjedhjes së Katarit si organizator për Kupën e Botës 2022.
Hetimet që zhvillohen prej disa vitesh në Zvicër, Francë dhe Shtetet e Bashkuara të Amerikës nxjerrin fajtor për shitje votash Platini. Ai akuzohet se ka manipuluar votat në favor të shtetit arab, për t’u përzgjedhur si vendi organizator i Kupës së Botës.
Ish-futbollisti i Francës, tashmë në moshën 63-vjeçare raportohet se ndodhet në paraburgim në një stacion policor në Nanterres, një lagje e Parisit.
Platini drejtoi institucionin më të lartë të futbollit në Evropë nga viti 2007 deri në 2015-n, kur u pezullua nga të gjitha aktivitetet e lidhura me futbollin për shkak të dyshimeve dhe akuzave për korrupsion.