Një ngjarje e rëndë ka ndodhur në orët e para të mëngjesit në zonën e Martaneshit në Dibër. Gazetari Enver Doçi raportoi se një fëmijë 6 vjeç është plagosur me armë zjarri, automatik në fshatin Krastë. Bëhet me dije se shënjestra e atentatit ka qenë babai i fëmijës. Por gjatë konfliktit, plumbat kanë kapur gabimisht të miturin. Mësohet se fëmija është transportuar në spitalin e Dibrës ku ndodhet në gjendje të rëndë. Fëmija, bëhet e ditur se ka marrë 3 plumba në pjesën e fytyrës, ndërsa familjarët e tij kërkojnë që të transportohet drejt Tiranës për shkak të gjendjes së rënduar. Policia ka nisur hetimet për zbardhjen e ngjarjes. Autori i plagosjes është Jetmir Koxherri, 27 vjeç.
Shfaq Komentet (0)